Ja cili është sekreti për salcën perfekte të pastës bolonjeze

Veshtiresia
E thjeshtë
Gati për:
20 minuta
Koha gatimit
30 minuta
Sugjerohet për:
dy persona
Kalori:
3 lugë gjalpë pa kripë
një qepë me madhësi të mesme, e copëtuar imët
1 kërcell selinoje, i copëtuar imët
1 deri në 2 karrota, të prera imët
gjysmë kile mish viçi
200 gram mish derri
kripë dhe piper i bluar
gjysëm gote qumësht
një çerek gote vere të bardhë
2 filxhanë çaji me lëng mish pule
700 gram pure domateje

  1. Shkrini gjalpin në një tenxhere të madhe me nxehtësi mesatare.Skuqni qepën, selinonë dhe karrotat duke i trazuar shpesh, derisa të zbuten, për rreth 10 minuta.

2. Shtoni mishin e viçit, mishin e derrit dhe një lugë çaji me kripë.

3. Copëtojeni mishin me pirun ndërsa e gatuani në zjarr për rreth 8 minuta. Mishi duhet të ziejë dhe jo të skuqet.

4. Përbërjes i shtoni më pas qumështin. Ulni nxehtësinë e gatimit dhe lëreni të ziejë për 20-25 minuta, derisa lëngu të shkojë në gjysmë të enës dhe mishi të arrijë të dalë mbi lëngun.

5. Shtoni domtatet dhe një lugë çaji kripë. Përziejeni herë pas herë , derisa salca të trashet.

6. Shtojini piperin dhe lëreni të ftohet.

Salca juaj është gati!

Komento