Paçe e Dibrës, si nga dora e gjyshes
Miellin e misrit e skuqim me gjalpë derisa të marrë ngjyrë kafe të çelur, më pas e shuajmë me lëng mishi dhe e përziejmë që të mos krijohen kokrriza. E lemë të ziejë për 10-15 minuta duke përgatitur një...
Kalcone furre me rikota dhe qepë
Kalconet me rikota janë një recetë me origjinë pulieze që me kalimin e kohës ka pasur ndryshime të shumta. Madje disa preferojnë ta kombinojnë edhe me ragu ose salcë domatesh. Gjëja më themelore në këtë pjatë është thjeshtësia e saj në përgatitje dhe ushqyerja që garanton.
Ingredientët
- Përbërësit (për 8 persona):
- 1 kg miell
- 2 vezë
- 150 gram vaj
- pak kripë
- Për mbushjen:
- ½ kg rikota
- 1 kg qepë
- 100 gram sheqer
- 4 vezë
Udhëzimet
1
Zini brumin me ujë të vakët, vezët, vajin e kripën dhe formoni një top. Më pas lëreni mënjanë dhe filloni të përgatisni mbushjen duke i grirë qepët dhe duke i skuqur në pak vaj. Shtojuni nga pak ujë e kripë pak nga pak derisa të zbuten mirë. Hiqini nga zjarri dhe lërini mënjanë.
2
Punoni rikotën me sheqerin dhe shtoni qepët e skuqura së bashku me 4 vezët. Ndani masën në dy pjesë, ku njëra të jetë më e madhe se tjetra dhe këtë të fundit hapeni me një petëz mbi banakun e spërkatur me miell.
3
Vendoseni petën në një tepsi të lyer me vaj dhe të spërkatur me miell. Shtroni qepët dhe përbërjen me rikota. Mbulojeni me petën tjetër duke i mbyllur mirë anët.
4
Lyejeni sipërfaqen me pak vaj dhe një vezë të rrahur me sheqer.
5
Piqeni në furrë të ngrohur në 200 gradë për 30 minuta.
Lini një koment