Një sallatë e thjeshtë dhe e lehtë perimesh që mund të kombinohet me të gjitha llojet e pjatave të dyta. Karotat krokante e të thekërisura në furrë janë gati për gjysmë ore, mund të shërbehen për çdo rast dhe kanë një aromë e shije unike.
Pastroni, qëroni dhe lani karotat, pritini në shirita dhe gatuajini në avull për 5 minuta, vendosini në një enë dhe bashkojini me vaj ulliri e.v, kripë e piper, më pas shtoni 1 thelpi hudhër të grirë e përziejini mirë përsëri.
Grini qepën e njomë, kaurdiseni në një tigan me 3 lugë vaj dhe ndërkohë lani 500 gr pazi, vendosini në një tigan, mbulojini me kapak dhe gatuajini në zjarr të moderuar për 5 minuta.
Përgatisni një përzierje me 40 gr bukë të thekur të grirë, 40 gr djathë grana të grirë, gjethet e trumzës dhe 5 lugë vaj ulliri e.v. Përziejini mirë dhe lërini mënjanë.
Parangrohni furrën në 200 gradë Celsius. Merrni një tavë, shtroni në të gjethet e pazisë, karotat, spërkatini me përzierjen aromatike dhe piqeni për 10 minuta. Kur sipërfaqja të ketë marrë ngjyrë të artë, hiqeni nga furra dhe shërbejeni menjëherë.
Lini një koment