Krem kafe: Aromë e fortë, shije delikate

Krem kafe

Persona: 4
Koha e përgatitjes: 5 minuta Koha e gatimit: 15 minuta

Kjo është një ëmbëlsirë ideale për t’u servirur pas drekave ose darkave në vend të filxhanit të kafesë. Le të zbulojmë përgatitjen e saj:

Ingredientët

  • 3 gota kafe moka të përgatiutr
  • 3 gota pana për ëmbëlsira
  • 5 lugë sheqer
  • 3 të verdha vezësh
  • 4 biskota

Udhëzimet

1

Në një tenxhere, përzieni kafen me panën dhe 3 lugë sheqer. Gatuajini në banjëmari për 3 minuta duke i përzier vazhdimisht me një lugë druri, më pas shtoni të verdhat e vezëve të cilat i keni rrahur më parë me sheqerin e mbetur.

2

Vazhdoni edhe pak gatimin, gjithnjë duke e përzier me lugë druri në zjarr të ulët derisa kremi të trashet (kujdesuni që të mos marrë valë) për çerek ore.

3

Ndajeni kremin e kafesë në katër kupa qelqi, lëreni të ftohet dhe dekoroni çdo porcion me një biskotë ose kokrra kafeje të mbuluara me çokollatë.

Lini një koment