Sugjerojmë:

Majdanozi jo vetëm për dekor, ja vlerat e shumta që ka

Majdanozi është një bimë mesdhetare dyvjeçare e cila për shkak të gjetheve të gjelbërta të mbylluara shpesh luan një rol kyç gjatë dekorimit të ushqimit. Përveç kësaj, majdanozi është një bimë me shumë vlera dhe në mjekësinë popullore.

Majdanozi përdoret qetësimin e nervave, për lehtësimin e dhimbjeve, për heqjen e fryrjeve, për pastrimin e gjakut. Mjekët e mjekësisë popullore e sugjerojnë si ilaç kundër viruseve, sëmundjeve të veshkave, sëmundjet e trakteve urinare, inflamacionin e syve, diabetin, kafshimet nga insektet, e madje edhe nga potenca. Dihet fakti se edhe më përtypjen e majdanozit hiqet aroma e keqe nga goja, e këtu dobi ofrojnë gjethet, rrënja dhe farat. Majdanozi nuk ka vlerë të lartë kalorike, por është e pasur edhe me minerale dhe vitamina, që e përfshin në ushqimet me cilësi të lartë.

Pas kaçes dhe boronicave, gjethja e majdanozit përmban më së shumti vitamina C. Në 100 gramë gjenden madje rreth 170 miligramë të kësaj vitamine. Po ashtu, përmban edhe provitamina A, vitamina të grupit B, madje përmban edhe vitaminën e rrallë vitaminën B12, që është shumë me rëndësi për krijimin e qelizave të kuqe të gjakut. Për sa ju përket mineraleve, më shumë përmban hekur, kalcium, mangan, magnez e bakër. 

Sasirat e mëdha të Vitaminës K dhe kalciumit në përbërjen e majdanozit ndikojnë pozitivisht te shëndeti i eshtrave. Kjo ndihmon në pengimin ose parandalimin e osteoporozës dhe në reduktimin e rrezikut nga frakturat në eshtra. Futja ose marrja e vitaminës K ndihmon në absorbimin e kalciumit në organizëm i cili është shumë i rëndësishëm për shëndetin e eshtrave.

Më së miri është të konsumohet në gjendje të freskët, sepse vetëm kështu ruhet vlerat e tij shëruese.

Lini një koment