Paçe e Dibrës, si nga dora e gjyshes
Miellin e misrit e skuqim me gjalpë derisa të marrë ngjyrë kafe të çelur, më pas e shuajmë me lëng mishi dhe e përziejmë që të mos krijohen kokrriza. E lemë të ziejë për 10-15 minuta duke përgatitur një...
Me oriz, mund të bëjmë edhe një byrek super të shijshëm!
Eksperiment? Deri diku. Që me orizin mund të bësh një byrek me shumë shije, është një fakt. Duhet ta provosh!
Ingredientët
- 1 pako peta byreku
- 1 filxhan çaji oriz
- 1 qepë të thatë
- 2-3 qepë të njoma
- 1 tufë koper
- 1 tufë majdanoz
- 150 gram djathë të bardhë
- 100 gram djathë çedar
- 3-4 kokrra vezë
- 1 gotë qumësht
- 1 gotë ujë
- Kripë, piper
Udhëzimet
1
Vendosim një tigan te madh me vaj të ngrohet dhe kaurdisim fillimisht qepën e thatë të grirë imët.
2
Shtojmë më pas qepët e njoma të grira imët. I spërkasim me kripë dhe piper dhe vazhdojmë kaurdisjen derisa qepët të ulin vëllimin dhe të zbuten.
3
Shtojmë më pas majdanozin, koperin, orizin dhe gjysmë filxhani ujë. E trazojmë për disa minuta dhe në fund shtojmë djathin e bardhë të thërrmuar.
4
Trazojmë vezët me qumështin dhe me pak ujë të ngrohtë. Vendosim tavën në tryezën e punës dhe vendosim 4 petë byreku ku secilën e kemi spërkatur me pak vaj.
5
Në mes të 2 petëve kemi bërë dhe një spërkatje të lehtë me djathë çedar të grirë në rende.
6
Pasi kemi shtruar 4 petët vendosim mbushjen me qepë dhe oriz. Mbi mbushje hedhim një garuzhde nga vezët e trazuara me qumështin.
7
E spërkasim përsëri me pak djathë të verdhë mbushjen dhe më pas vendosim petët e tjera të cilat i kemi spërkatur me pak vaj dhe djathë të verdhë.
8
E presim byrekun në racione dhe e vendosim në furrë të parangrohur në temperaturën 180 gradë Celsius për 40 minuta.
Shënime
Receta marrë nga: balkanweb.com
Lini një koment