Pasta të pjekura në furrë me brokoli dhe limon

Veshtiresia
E lehte
Gati për:
30 min
Koha gatimit
30 min
Sugjerohet për:
4 persona
Kalori:
459
300 gr makarona të thata
200 gr brokoli, të prerë në tufa të vogla
100 gr spinaq
2 lugë vaj ulliri
2 qepë jeshile
1 thelpi hudhër
1 lugë miell të thjeshtë
300 ml qumësht i skremuar
2 gjethe dafine
1 lugë mustardë integrale
1 limon
100 gr parmixhano
Kripë dhe piper i zi i sapo bluar
Gjethe sallate të përziera të veshura me lëng limoni dhe 1 lugë vaj ulliri, për t’i shërbyer

Nroheni furrën në 180 gradë C.

Gatuajini makaronat në ujë të vluar për 6 minuta. Shtoni brokolin dhe gatuajeni edhe për 2 minuta.

Fikni zjarrin, shtoni spinaqin dhe lëreni të qëndrojë me kapak për 2 minuta. Kullojeni mirë dhe lëreni mënjanë.

Nxehni vajin në një tigan dhe  skuqni qepët jeshile për 2 minuta.

Shtoni hudhrën dhe skuqeni edhe për 2 minuta.

Shtoni miellin dhe gatuajeni duke e trazuar gjithë kohën, për 1-2 minuta.

Hidhni ngadalë qumështin, shtoni gjethet e dafinës, kripë dhe piper.

Vazhdoni zierjen për 2-3 minuta, derisa të trashet. Hiqni gjethet e dafinës.

Shtoni mustardën, lëkurën e limonit dhe tre të katërtat e parmixhanos, pastaj përizjeni mirë.

Vendosni makaronat dhe brokolin në një tavë  të cekët për pjekje.

Derdhni salcën dhe përziejeni mirë. Shtoni dhe djathin e mbetur dhe piqeni për 15-20 minuta.

Shërbejeni  të veshur me gjethet e sallatës.

Komento