Sugjerojmë:
Patëllxhanët e shpejtë në skarë janë një pjatë e lehtë, e shijshme, aromatike, e thjeshtë për t’u përgatitur dhe e kompletuar me vaj ulliri, kaperi, stika pishe, majdanoz, borzilok, hudhër dhe spec djegës i freskët. Kombinohet me pjatat e mishit, peshkut ose djathrat.
Përgatisni përbërësit. Lani dhe thani gjethet e majdanozit dhe borzilokut e grijini së bashku me një spec djegës të kuq të freskët, 50 gr kaperi, 50 gr stika pishe dhe ½ thelpi hudhre. Pasi t’i keni grirë, bashkojini në një tigan me 6 lugë vaj ulliri e.v, kripë e piper. Përziejini dhe lërini mënjanë.
Gatuajini dhe shërbejini. Lani dhe thani patëllxhanët, ndajini përgjysmë dhe piqini 4-5 minuta duke i vendosur nga ana e prerjes në skarën e nxehtë, më pas kthejini nga ana tjetër dhe bëni disa prerje tek tuli. Shtojuni sipër përbërjen e përgatitur në tigan dhe vazhdoni pjekien edhe për 4-5 minuta.
Vendosini në pjatën e servirjes dhe lërini të vaken para se t’i shërbeni.
Lini një koment