Rizoto me mollë. Recetë e bukur, plot ngjyra, perfekte dhe për ditët festive

320 gr oriz për rizoto
2 mollë Renette ose Grany Smith
1 lugë kafeje shafran Indie
1 lugë kafeje curry
½ gote verë e bardhë
½ l brodo perimesh
1 qepë e vogël
Pak gjalpë

1.Përgatisni brodon ose vendoseni të nxehet nëse e keni gati dhe vendosni të shkrihet në të shafrani e curry.

2.Prisni imët qepën.

3.Shkrini gjalpin në një tenxhere dhe skuqni lehtë qepën në nxehtësi të ulët duke i shtuar nga pak ujë që të mos digjet.

4.Shtoni orizin dhe kaurdiseni disa minuta derisa të bëhet i shndritshëm.

5.Shtoni verën dhe pasi të ketë avulluar, shtoni brodo për të mbuluar orizin.

6.Lëreni të ziejë duke e përzier herë pas here dhe duke shtuar brodo nëse është e nevojshme. Si për të gjitha rizotot duhet të bëni kujdes që të mos thahet shumë dhe të mos ngjitet.

7.Ndërkohë, prisni dhe qëroni një mollë e gjysmë dhe grijeni.

8.Prisni në feta gjysmën e mbetur të mollës dhe kalojeni në një tigan me shpejtësi derisa të marrë një ngjyrë të artë.

9.Kur rizotoja të jetë pothuajse gati shtoni mollët e grira duke i përzier mirë.

10.Përziejeni më pas me gjalpin e mbetur.

11.Shpërndajeni nëpër pjata indivudale duke i dekoruar me dy feta molle.

Lini një koment