Paçe e Dibrës, si nga dora e gjyshes
Miellin e misrit e skuqim me gjalpë derisa të marrë ngjyrë kafe të çelur, më pas e shuajmë me lëng mishi dhe e përziejmë që të mos krijohen kokrriza. E lemë të ziejë për 10-15 minuta duke përgatitur një...
Smoothie me mollë, dardhë e kanellë
Kjo smoothie me mollë, dardhë e kanellë është një pije e freskët, energjike dhe detoksifikuese. Një smoothie me bazë frutash, e aromatizuar me kanellë, perfekte për mëngjesin e fëmijëve ose tuajin nëse merreni me sport. Akulli dhe frutat krijojnë një krem të qëndrueshëm që do të kënaqë shijet tuaja. Mollët Fujion me tulin e tyre pak krokant dhe shijen e ëmbël e pak acide janë një varietet ideal për të krijuar një smoothie të ekuilibruar, ndërsa dardhët e kanella e theksojnë akoma më shumë dhe rezultati është vërtet special.
Ingredientët
- 470 gr mollë Fuji
- 170 gr akull
- 250 gr qumësht
- 2 gr kanellë pluhur
- 260 gr dardhë
- 50 gr mjaltë
Udhëzimet
1
Për të përgatitur një smoothie me mollë, dardhë e kanellë, filloni me mollët. Lajini dhe pritini përgjysmë, më pas ndajini në thela, hiquni farat dhe qërojini. Më pas pritini në feta më të holla e më pas në kubikë.
2
Më pas merruni me dardhët: lajini, pritini në thela, hiquni farat dhe më pas reduktojini në kubikë të të njëjtave përmasa.
3
Në një gotë mikseri hidhni akullin, shtoni mollët e dardhët. Shtoni mjaltin, kanellën dhe në fund qumështin.
4
Fruloni gjithçka derisa të përftoni një përbërje homogjene, më pas transferojeni në gota. Dekorojeni smoothie-n tuaj me dardhë, mollë e kanellë dhe shërbejeni të ftohtë.
Lini një koment