Sugjerojmë:

Speca-brusketa të mbushura me mish pule, erëza të freskëta dhe djathë

4 speca (mundësisht me ngjyra të ndryshme)
125 gram domate të thara
200 gram mish pule të copëtuar
1 tufë borzilok të freskët
1 lugë kafe hudhër pluhur
150 gram pomodorini
200 gram djathë burrata
Vaj ulliri
Kripë, piper

1.Fillimisht parangrohni furrën në 200 gradë C.

2.Lani mirë specat, i ndani përgjysmë dhe i pastroni nga farat. I radhisni njëra pas tjetrës në një tavë.

3.Merrni një enë dhe bashkoni në të mishin e pulës të gatuar paraprakisht, erëzat, vajin e ullirit dhe hudhrën. I përzieni mirë dhe mbushni me to specat.

4.I fusni në furrë për 10-12 minuta. Mund t’i mbani dhe më gjatë në varësi sesa të pjekur e doni specin tuaj.

5.Sapo të jenë gati, i shërbeni në pjatë duke i shoqëruar me pomodorini dhe djathin e shijshëm burrata.

6.Ju bëftë mirë!

Lini një koment