Paçe e Dibrës, si nga dora e gjyshes
Miellin e misrit e skuqim me gjalpë derisa të marrë ngjyrë kafe të çelur, më pas e shuajmë me lëng mishi dhe e përziejmë që të mos krijohen kokrriza. E lemë të ziejë për 10-15 minuta duke përgatitur një...
Të pjekura në furrë me lulelakër. Këto janë qoftet më të shëndetshme që keni ngrënë ndonjëherë!
Jo të gjithë i duan qoftet me mish të grirë. Perimet janë alternativa ideale, më e shëndetshme dhe e lehtë, për të shijuar qofte pa asnjë ndjesi faji!
Ingredientët
- 1 lulelakër me madhësi mesatare (diku tek 500 gram)
- 120 gram djathë i grirë grana
- 1 vezë
- 2-3 lugë gjelle galetë (bukë e grirë)
- 1 tufë majdanoz të grirë imët
- pak kripë
- Vaj ulliri
Udhëzimet
1
Lani lulelakrën, e ndani në lule të vogla dhe e vendosni për të zierë, sa të marrë një valë.
2
Më pas e hiqni, e kulloni dhe e lini të ftohet.
3
E kaloni në një enë të madhe dhe e shtypni me një pirun. Në po të njëjtën enë shtoni djathin, vezën e plotë të rrahur, bukën, 1 majë luge kripë dhe majdanozin. I përzieni të gjitha bashkë.
4
Tani me ndihmën e një luge formoni disa qofte të vogla me dorë. E lyeni secilën para dhe mbrapa me bukën e grirë imët.
5
Tani i radhisni në një tavë ku keni shtruar më parë një letër kuzhine dhe e keni spërkatur me vaj ulliri.
6
I fusni qoftet në furrë në temperaturë 200 gradë. Pas 15 minutave të para duhet t’i ktheni qoftet përmbys, për t’i lënë edhe për 15 minuta të tjera.
Lini një koment