Paçe e Dibrës, si nga dora e gjyshes
Miellin e misrit e skuqim me gjalpë derisa të marrë ngjyrë kafe të çelur, më pas e shuajmë me lëng mishi dhe e përziejmë që të mos krijohen kokrriza. E lemë të ziejë për 10-15 minuta duke përgatitur një...
Tiramisu
Embëlsirën tuaj të preferuar, tanimë mund ta përgatisni vetë!
Ingredientët
- 4 kokrra vezë
- 300 gr biskota
- pak kakao pluhur
- 100 gr sheqer
- 500 gr maskarpone
- 300 ml kafe e përgatitur(lëng)
Udhëzimet
1
Fillimisht ndajmë në dy tasa të verdhat nga të bardhat e vezëve dhe i vendosim veç e veç. Tek të verdhat e vezëve hedhim 50 gr sheqer duke i rrahur së bashku derisa të verdhat e vezëve të rrisin volumin dhe sheqeri të shkrijë.
2
Shtojmë më pas pak nga pak maskarponen duke e trazuar vazhdimisht me rrahësen e vezëve.
3
Rrahim të bardhat e vezëve me sheqer derisa të bëhet një marengë e fortë. E bashkojmë më pas marengën duke e shtuar pak nga pak në tasin me të verdhat e vezëve të rrahura me maskarponen. E përziejmë mirë me spatul ose lugë druri derisa kremi të jetë njësuar plotësisht.
4
Në një tavë ku do të përgatisim tiramisunë fillimisht shtrojmë një bazë me kremin e përgatitur. Lagim biskotat me kafe dhe i vendosim njëra pas tjetrës mbi bazën e kremit. Mbulojmë biskotat me një shtresë të trashë kremi. Vendosim përsëri një shtresë të dytë me biskota të lyera me kafe.
5
I mbulojmë përsëri biskotat me një shtresë të trashë kremi. Në fund i shtojmë kakao pluhur.
6
E vendosim tiramisunë në frigorifer për disa orë që të ngurtësohet.
7
Pas kësaj mund ta shijoni ëmbëlsirën së bashku me të afërmit tuaj!
Lini një koment