Të athëta dhe të ëmbla në të njëjtën kohë, karotat turshi janë një pjatë e shkëlqyer shoqëruese e mishit apo peshkut. Është një pjatë e thjeshtë për t’u përgatiur, e lehtë dhe e ushqyeshme, e përshtatshme për të gjitha rastet dhe ullinjtë e trumza ia përforcojnë akoma më shumë shijen.
Qëroni karotat, lajini në ujë të bollshëm dhe thajini me një letër kuzhine. Pritni në feta në të tërthorta dhe prisni përgjysmë dy thelpinjtë e hudhrës bashkë me lëkurën.
Shtoni 4 lugë vaj ulliri e.v në një tigan, skuqni hudhrën dhe më pas shtoni karotat dhe lërini për 5 minuta në zjarr të lartë. Ulni flakën, shtoni 70 gr ullinj dhe vazhdoni t’i gatuani për 5 miuta duke e tundur tiganin herë pas here.
Tresni një lugë mjaltë në një enë me 4 lugë uthull të bardhë dhe hidheni sipër karotave, shtoni pak kripë e piper dhe gatuajini edhe për 10 minuta të tjera, duke bërë kujdes t’i lini karotat al dente. Shtoni gjethet e trumzës, përziejini mirë dhe fikni sobën.
Lini një koment