Paçe e Dibrës, si nga dora e gjyshes
Miellin e misrit e skuqim me gjalpë derisa të marrë ngjyrë kafe të çelur, më pas e shuajmë me lëng mishi dhe e përziejmë që të mos krijohen kokrriza. E lemë të ziejë për 10-15 minuta duke përgatitur një...
Qofte me mish viçi e derri të gatuara në lëng
Një pjatë e dytë mishi, e shijshme dhe shumë e vlerësuar: qoftet me mish viçi e derri janë të thjeshta për t’u përgatitur e për t’u aromatizuar me erëza të grira. Gjithashtu gatimi në lagështi i bën ato të lehta e të buta. Është pjata ideale për çdo rast, shërbehen të ftohta, kështu që mund t’i përgatisni disa orë përpara drekës ose darkës.
Ingredientët
- 300 gr mish viçi i grirë
- 100 gr mish viçi i grirë
- 1 vezë
- 80 gr djathë asiago ( i ngjashëm me kaçkavallin)
- 1 qepë
- 8 gjethe sherebelë
- 1 dl verë e vardhë
- Pak sheqer
- Pak arrë moskat
- Pak kanellë
- Pak miell
- Pak kripë
- Pak piper
- 1 dl uthull e bardhë
- 4 kokrra dëllinje
- 1 thelpi hudhër
- Pak vaj kikriku
- Vaj ulliri e.v
Udhëzimet
1
Përgatisni brumin e qofteve. Përzieni në një enë mishin e viçit, mishin e derrit, vezën, djathin e grirë, pak arrë moskat, pak kanellë pluhur, kripë e piper. Formoni qofte në madhësinë e qershive.
2
Skuqni qoftet. Kalojini qoftet në miell një nga një dhe skuqini në vaj të bollshëm kikiriku për 3-4 minuta. Kullojini mbi një letër thithëse dhe vendosini mbi një pjatancë.
3
Përgatisni përbërësit e tjerë. Qëroni qepën, priteni përgjysmë dhe më pas në feta të holla. Shtypni dhe qëroni hudhrën, lani dhe thani gjethet e sherebelës. Shtypni lehtë kokrrat e dëllinjës me një çekiç kuzhine.
4
Kompletoni recetën. Shtoni qepën e grirë në një tigan me 3 lugë vaj ulliri e.v, hudhrën, sherebelën e dëllinjat për 5 minuta. Shtoni kripë e piper. Shtoni 1 dl uthull të bardhë, 3-4 lugë ujë të ngrohtë dhe pak sheqer. Lërini për 8-10 minuta në zjarr të mesëm. Hiqeni hudhrën dhe hidheni lëngun në një enë së bashku me qoftet. Lërini në frigorifer për 3-4 orë më pas hiqini dhe shërbejini në temperaturën e ambientit.
Lini një koment